Aztibb.az xəbər verir ki, qripə qarşı peyvəndlənmə xüsusilə xəstəliyin ağır gedişi və fəsadları baxımından risk qrupuna daxil olan şəxslər üçün tövsiyə olunur. Bu qrupa uşaqlar, 65 yaş və yuxarı şəxslər, xroniki xəstəlikləri olanlar, immun sistemi zəifləmiş şəxslər və hamilə qadınlar daxildir. Tibb işçilərinin peyvəndlənməsi də həm özlərinin qorunması, həm də səhiyyə müəssisələrində infeksiyanın yayılma riskinin azaldılması baxımından əhəmiyyətlidir.

 

Hazırda Bakı və Sumqayıt şəhərlərində ilkin səhiyyə xidməti göstərən dövlət tibb müəssisələri vaksinlərlə təmin edilib və oktyabrın 21-dən etibarən peyvəndlənmə tədbirlərinə başlanılıb.

 

Qeyd edək ki, peyvəndlənmə könüllülük prinsipi əsasında aparılır. 6 aylıqdan başlayaraq uşaqlara və böyüklərə tətbiq edilir.