İsveç alimlərinin araşdırmalarına görə, bəzi xəstəliklərə meyllilik qan qrupundan asılır. 

Aztibb.az xəbər verir ki, mütəxəssislər elmi işlərinin nəticələrini “eLife” elmi jurnalında dərc edib.

Tədqiqatçılar beş milyon xəstənin xəstəlik tarixçəsini araşdırıblar. Nəticədə müəyyən bir qan qrupu olan insanlarda daha çox meydana gələn 49 xəstəlik aşkar edilib.

Mütəxəssislər birinci qan qrupu olan insanlarda laxtalanma pozğunluğunun daha çox olduğunu, ikinci qan qrupu olan xəstələrdə trombozun çox qeyd edildiyini bildirib. Eyni zamanda, müsbət birinci qan qrupu olan qadınlar hipertoniyadan daha çox əziyyət çəkirlər.

Üçüncü qan qrupu olan insanlar isə böyrək daşlarının meydana gəlməsinə digərlərinə nisbətən daha az meyllidirlər.

Tədqiqat müəllifləri əldə edilmiş nəticələri təsdiqləmək üçün əlavə araşdırmalar aparmaq niyyətində olduqlarını bildiriblər.