Əlilliyin qiymətləndirilməsi yeni meyarlara əsasən həyata keçiriləcək
29.04.2021 18:18
Dövlət Tibbi-Sosial Ekspertiza və Reabilitasiya Agentliyində Əmək və Əhalinin Sosial Müdafiəsi Nazirliyi yanında İctimai Şura üzvləri ilə görüş keçirilib.
 
Aztibb.az xəbər verir ki, görüşdə əlilliyin qiymətləndirilməsi, mövcud qanunvericilik bazası, əlilliyi olan şəxslərin reabilitasiyası, onların cəmiyyətə inteqrasiyası istiqamətində görülən işlər, bu sahədə nöqsan və çatışmazlıqlar müzakirə olunub.
 
Agentliyin İdarə Heyətinin sədri Cavid Əbdul-Qədirov bildirib ki, əlilliyin müəyyən olunması, bu sahədə şəffaflıq və sosial ədalət prinspilərinin təmin olunması məqsədi ilə mütəmadi araşdırmalar aparılır. Xüsusilə saxta əlillik faktlarının aşkarlanmasını və cəmiyyətdə bu cür hallara ictimai qınağın artırılmasının vacibliyi önə çəkilib.
 
Görüşdə Nazirlər Kabinetinə təqdim edilən “Əlilliyin müəyyən olunması meyarları” layihəsindən də söz açılıb. Bildirilib ki, yeni meyarlarda əlilliyin qiymətləndirilməsi zamanı insanın 7 əsas həyat fəaliyyəti kateqoriyalarının məhdudlaşması nəzərə alınacaq.
 
İctimai şuranın sədri Elşad Məmmədov isə birgə əməkdaşlıq çərçivəsində əlilliyin müəyyən olunması, saxta əlillik faktlarının aşkarlanması istiqamətində neqativ halları araşdırmaq və birgə mübarizə aparmağın əhəmiyyətindən danışıb.
 
İctimai şuranın sədr müavini Umud Mirzəyev və digər çıxışçılar müzakirələr zamanı Vətən müharibəsində hərbi əməliyyatlar zamanı aşağı və yuxarı ətrafları amputasiya olunan qazilərin yüksək texnologiyalı protezlərlə təmin olunması, ümumilikdə bu istiqamətdə görülən işləri yüksək qiymətləndiriblər.
 
İctimai Şura üzvləri əlilliyin müasir qiymətləndirmə mexanizmləri, monitorinq hədəflərinin dəqiq müəyyənləşdirilməsi və digər məsələlərlə bağlı təklif və tövsiyələrini səsləndiriblər.
ÇOX OXUNANLAR
İnsan orqanizmi hansı səbəbdən iki əsas mərhələdə qocalır - Alimlər müəyyənləşdiriblər
Kəllə sümüyü iliyi xroniki ağrıların səbəbi ola bilər - TƏDQİQAT
Tibb işçilərinin əməkhaqlarının artırılmasına QHT sədrindən münasibət
Anestezioloq-reanimatoloq Emil Muradov -
Qidalanma mədəniyyəti - gələcək nəsillərin sağlamlığını sığortalayan ən dəyərli ictimai səhiyyə investisiyası
Ümumi cərrah Mübariz Mahmudov evində ziyarət edilib
TƏBİB tabeliyində çalışan tibb işçilərinin əməkhaqları artırılır
 Saatlı RMX-da tanınmış cərrah Əhədağa Soltanovun 75 illik yubileyi qeyd edilib   
Laçında “Hiperqlikemik və hipoqlikemik komalar zamanı yardım” mövzusunda təlim keçirilib
ATU tələbələri Ege Universitetində bir aylıq Yay Məktəbi proqramında iştirak ediblər
Müasir neyrocərrahiyyə yanaşmalarını daim izləyən və peşəkar inkişafını davam etdirən həkim - Toğrul Qasımlı
Şirvanda daha bir mürəkkəb travmatoloji əməliyyat uğurla icra olunub
TƏBİB beynəlxalq əməkdaşlığın genişləndirilməsi istiqamətində görüşləri davam etdirir
Yüksəkixtisaslı anestezioloq-reanimatoloq Xəyal Məmmədov - Həkimlərimizi tanıyaq!
8 saatlıq mikrocərrahi əməliyyat - Səhiyyə Nazirliyinin həkimləri 3 yaşlı uşağın qopmuş əlini bərpa etdi