Səhiyyə Nazirliyi Elmi-Tədqiqat Kardiologiya İnstitutunda doktoranturaya qəbul üzrə imtahan keçirilib.

İnstitutdan Aztibb.az-a bildirilib ki, imtahanda 3 namizəd iştirak edib. İmtahan şəffaflığın və obyektivliyin təmin olunması məqsədilə elektron formatda təşkil edilib.

Hər bir namizəd fərdi kompüterlə təmin olunub və onlar üçün 60 test sualından ibarət fərdi test variantı formalaşdırılıb.
İmtahan müəyyən edilmiş vaxt limiti və vahid balla qiymətləndirmə sistemi əsasında keçirilib. Nəticələr elektron sistem vasitəsilə qeydə alınıb və qiymətləndirilib.
İmtahanda iştirak edən hər üç namizəd müəyyən edilmiş keçid balını toplayaraq imtahanı uğurla başa vurub.

Səhiyyə Nazirliyi Elmi-Tədqiqat Kardiologiya İnstitutunda doktorantura hazırlığında şəffaflıq, obyektiv qiymətləndirmə və yüksək elmi potensiala malik gənc mütəxəssislərin seçilməsi əsas prinsiplərdən biridir.