İsraildə çalışan anestezioloq reanimatoloq Tural Alekberli COVID-19-la mübarizə protokolu hazırlayıb.

O, Azərbaycanda COVID-19-la mübarizə aparan həkimlərə kömək məqsədilə dünyanın bir çox mərkəzlərində (ABŞ, Kanada, İsrail, Avropa, Türkiyə) istifadə olunan protokollardan, eyni zamanda Ümumdünya Səhiyyə Təşkilatı və ABŞ-ın Xəstəliklərə Nəzarət və Profilaktika Mərkəzlərinin göstərişlərindən faydalanaraq xəstə dəyərləndirməsi və müalicə protokolu hazırlayıb.

Qeyd edək ki, doktor Tural Alekberli hazırda İsrailin ən böyük universitet xəstəxanasında - Qüds İbrani Universitetinin Hadassa Tibb Mərkəzində işləyir. O, xəstəxanadakı digər işlər və elmi araşdırmalarla yanaşı, COVID-19 reanimasiyasında da fəal iştirak edir.