Azərbaycan Tibb Universitetinin (ATU) V kurs tələbəsi Leyla Ağayeva Türkiyənin Antalya şəhərində keçirilən dünyanın ən nüfuzlu kosmik platforması – 77-ci Beynəlxalq Astronavtika Konqresində (IAC 2026) ölkəmizi və universitetimizi uğurla təmsil edib.

Universitetdən Aztibb.az-a verilən xəbərə görə, ATU-nun II Müalicə-Profilaktika fakültəsinin gənc tədqiqatçısı beynəlxalq münsiflər heyətinə və kosmos mütəxəssislərinə “Microbial Dictatorship and Neuro-Cognitive Resilience: A Systematic Review on Gut-Glymphatic Readout and the Therapeutic Potential of Fonturacetam in Mars Missions” mövzusunda elmi araşdırmasını təqdim edib. 

Tədqiqat Mars missiyaları zamanı astronavtların neyrokoqnitiv dayanıqlılığının qorunmasında bağırsaq mikrobiotası və beyin sağlamlığı arasındakı əlaqəni, həmçinin Fonturacetamın potensial terapevtik rolunu araşdırır.