Böyük Britaniyada "superfetasiya" hadisəsi baş verib.

Aztibb.az xəbər verir ki, Rebecca Roberts adlı qadının ultrasəs müayinəsində tək döllü yeddi həftəlik hamilə olduğu məlum olub. Lakin 12 həftəlik yəni üç aylıq ultrasəs müayinəsində daha bir döl olduğu müəyyən olunub.

Bildirilib ki, Robertsdə ilk yumurtanın döllənməsindən sonra, yenidən başqa bir yumurta döllənib. Fərqli dövrlərdə meydana gələn iki embrion də uşaqlığa yerləşib.

Hər iki körpənin inkişaf normal gedib. Keçən ilin sentyabr ayında qeysəriyyə yolu ilə dünyaya gələn əkizlər biri 2 kilodan çox, digəri isə 1 kilo 100 qram olub. 2 kilodan çox dünyaya gələn körpə 3 həftə, digəri isə 95 gün reanimasiyada qalıb.

Artıq yeddi aylıq olan körpələrin sağlamlıqlarında heç bir problem olmadığı qeyd edilib.

"Superfetasiya" olaraq bilinən bu tibbi hadisədə, iki həftədən bir aya qədər olan hamiləliklərdə yenidən hamilə qalmaq mümkündür. Başqa bir yumurta sperma ilə döllənir və bətində birincisindən bir neçə gün və ya həftə sonra implantasiya olur. Superfetasiyadan doğulmuş körpələr, eyni gündə eyni doğuş zamanı dünyaya gələ bildikləri üçün çox vaxt əkiz sayılırlar.

İnsanlarda son dərəcə nadir görülən bu hadisə son 100 ildə cəmi 6 dəfə baş verib.

Ginekologiya professoru Simon Fishel, "Bu olmamalıdır, ancaq İlk hadisə belə bir hadisə1865-ci ildə baş verib. O vaxtdan sonra bu cür hadisələrə bəzən rast gəlinir" - deyə qeyd edib.