Beynəlxalq əlaqələr üzrə koordinatorların ilk toplantısı keçirilib - ATU
14.04.2021 15:15
Azərbaycan Tibb Universitetinin (ATU) beynəlxalq əlaqələr üzrə koodinatorlarının ilk iclası keçirilib.
 
Aztibb.az xəbər verir ki, iclasda ATU-nun beynəlxalq əlaqələr üzrə prorektoru, dosent Orxan İsayev beynəlxalq əlaqələr üzrə koordinator ictimai vəzifəsinin təsis edilməsi haqqında məlumat verib. Bildirib ki, universitetin Böyük Elmi Şurasının 25.02.2021-ci il tarixli iclasının qərarına əsasən, ATU-nun bütün kafedraları, 4 tədris klinikası, Elmi-tədqiqat mərkəzi və Əsaslı kitabxana üzrə beynəlxalq əlaqələr üzrə koordinator vəzifəsi təsis olunub. Məqsəd son illərdə daha da genişlənməkdə olan beynəlxalq əməkdaşlıq sahəsində fəaliyyətin idarə olunmasının təkmilləşdirilməsi, sistemləşdirilməsi və beynəlxalq əlaqələrin daha da inkişaf etdirilməsidir.
 
Prorektor Orxan İsayav qeyd edib ki, görüləcək işlərin əhəmiyyətini və xarakterini nəzərə alaraq, bu vəzifəyə əsasən beynəlxalq təcrübəyə malik və xarici dil biliyi lazımi səviyyədə olan əməkdaşlar təyin olunublar.
 
O, öz təqdimatında universitetinin beynəlxalq əlaqələr ofisinin strukturu və iş fəaliyyəti, ATU-nun beynəlxalq əlaqələri, “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə” Dövlət Proqramı, o cümlədən Avropa ittifaqının "Horizon-2020/Horizon Europe" proqramları və digər beynəlxalq layihələr barədə məlumat verib. Həmçinin ATU-nun rektoru, professor Gəray Gəraybəylinin göstərişi ilə yaradılmış international.amu.edu.az veb-portalının yaxın zamanlarda təqdimatının keçirilicəyini bildirib.
 
Sonda Orxan İsayev fəaliyyət istiqamətləri üzrə qarşıya qoyulan tələbləri koordinatorların diqqətinə çatdırıb, onlara gələcək fəaliyyətində uğurlar arzulayıb.
 
ATU-nun Beynəlxalq əlaqələr şöbəsinin müdiri, dosent Müşfiq Orucov isə çıxışında beynəlxalq əlaqələr üzrə koordinatorlarla əlaqələrin qurulması, müvafiq struktur vahidləri ilə koordinasiyanın təşkili, bu sahədə mövcud problemlər və onların aradan qaldırılması istiqamətində görüləcək işlərdən danışıb.
 
İclasda ATU-nun Beynəlxalq əlaqələr şöbəsinin müdir müavini, baş müəllim Nigar Ələkbərova, mübadilə proqramları üzrə koordinator, assistent Aygün Bayramova da iştirak ediblər.
ÇOX OXUNANLAR
Naxçıvanın Babək rayonunda növbəti tibbi müayinə aksiyası keçirilib
Könüllü qanvermə praktikası müasir transfuzologiyada qan təhlükəsizliyinin təmin olunmasının ən effektiv modelidir - MÜSAHİBƏ
Elmi-Tədqiqat Kardiologiya İnstitutunun əməkdaşı Çində beynəlxalq seminarda iştirak edir
Mərkəzi Gömrük Hospitalının terapevti Mədəniyyət TV-nin “Səhərçağı” proqramına müsahibə verib
 Goranboy RMX-da könüllü qanvermə aksiyası keçirilib
Xəstəxanadaxili infeksiyaların qarşısının alınması səhiyyə xidmətinin keyfiyyətinin əsas prioritetlərindən biridir
Xroniki bel ağrılarında müasir fizioterapiya yanaşmaları
Mərkəzi Klinikanın əməkdaşlarına Fəxri fərmanlar təqdim olunub
Ağdərə rayonu Vəngli kəndində yaşayan sakinlərin səyyar tibbi aksiyası həyata keçirilib
Beyləqan RMX-nın tabeliyindəki kənd həkim və kənd tibb məntəqələrinin işçiləri tərəfindən ev ziyarətləri davam etdirilir
Fast foodun bağırsağa təsiri
 Günay Əhmədova Azərbaycan Radioloqlar Cəmiyyətinin IV Tədris Konfransında məruzə ilə çıxış edib   
 Yüksək riskli hamiləlik uğurla sonlandırıldı   
Travmatoloq-ortoped Müseyib Əhmədov ayaqqabı seçərkən diqqət edilməli əsas məqamları açıqlayıb
 İsti havalarda günəşdən necə qorunmalıyıq?