Salyan Rayon Mərkəzi Xəstəxanasına 39–40 həftəlik hamiləlik, hamiləlik ödəmi, preeklampsiya, peripartum kardiomiopatiya və anemiya diaqnozları ilə müraciət edən xarici ölkə vətəndaşı yüksək riskli pasiyent kimi qiymətləndirilib.

 

Xəstəxanadan Aztibb.az-a bildirilib ki, klinik vəziyyətinin mürəkkəbliyi nəzərə alınaraq pasiyentə Bakı şəhərində yerləşən ixtisaslaşmış tibb müəssisəsinə təxliyə olunması təklif edilsə də, o, müalicəsini məhz Salyan Rayon Mərkəzi Xəstəxanasında davam etdirmək istədiyini bildirib.

 

Həkim-cərrah Yeganə Əliyevanın, həkim-mama-ginekoloq Xatirə Əliyevanın və həkim-anestezioloq-reanimatoloq Esmira Baxışovanın koordinasiyalı fəaliyyəti nəticəsində qeysəriyyə əməliyyatı uğurla icra edilib.

 

Hazırda həm ananın, həm də yenidoğulmuş körpənin vəziyyəti qənaətbəxşdir. Hər ikisi həkim nəzarəti altında müalicə və reabilitasiya prosesini davam etdirir.