Bakteriyaların DNT-də “troyan” antibiotiklərinin olmasına dair əlamətlər aşkarlanıb
25.03.2021 10:11

Bakteriyaların DNT-də elmə məlum olmayan, zərərsiz birləşmə şəklində bakteriyanın hüceyrəsinə keçərək onu məhv edən “troyan” antibiotiklərinin istehsalı üzrə “təlimat” aşkarlanıb. Tədqiqatın nəticələri “RSC Chemical Biology” jurnalında dərc edilib.

 

Aztibb.az TASS informasiya agentliyinə istinadla xəbər verir ki, tədqiqat Skolkovo Elm və Texnologiya İnstitutunun (Rusiya) və Ratqers Universitetinin (ABŞ) professoru Konstantin Severinovun rəhbərliyi ilə alimlər tərəfindən aparılıb.

 

Skolkovo Elm və Texnologiya İnstitutunun yaydığı məlumatda qeyd olunur ki, son illər alimlərin aşkarladığı yeni mikrob ştamlarına antibiotiklər təsir edə bilmir. Mütəxəssislərin fikrincə, belə ştamlar çoxalarsa, bütün antibiotiklər effektivliyini itirəcək və təbabət bir neçə əsr geri qalacaq. Alimlərin çox az sayda antibiotik sinifləri kəşf etməsi bu problemi dərinləşdirir. Lakin mütəxəssislər axtarışları davam etdirirlər. Məsələn, dörd il əvvəl Çin bioloqları bəzi kəpənək tırtıllarının qarnında yaşayan bakteriyalarda elmə məlum olmayan antibiotik növləri aşkar ediblər. Bu qəbildən digər molekullar milçək sürfələrinin, timsahın və Komodo varanının qanında aşkarlanıb.

 

Yeni tədqiqat zamanı professor Konstantin Severinovun rəhbərliyi ilə alimlər “troyan” adlandırılan antibiotiklərin xüsusiyyətlərini tədqiq ediblər. Bu cisimlər zərərsiz şəkildə mikrobun içinə keçərək, orada yeni zülal yaranması və digər mühüm hüceyrə proseslərini dayandıra bilər.

 

Tədqiqatçılar diqqəti “troyan” antibiotiklərin üç sinfində cəmləyiblər. Onların molekulları bakteriyalarda aminturşuları nəqliyyat RNT molekullarına qoşan vacib fermentlər ilə birləşir. Əgər RNT-yə qoşulma dayandırılarsa, hüceyrə yeni zülal zənciri yarada bilməz. Nəticədə mikrobların çoxalması dayanır və onlar məhv olur.

 

Alimlər bu birləşmələrin mikroblara necə keçdiyini və onların məhsulunun, bənzər antibiotiklərdən rəqiblərinə qarşı istifadə edən bakteriyaların DNT-si tərəfindən necə idarə olunduğunu ətraflı araşdırıblar.

 

Mütəxəssislər digər mikrobların genomlarında quruluşuna və güman edilən xüsusiyyətlərinə görə “troyan” antibiotiklərinə bənzər zülal yaratmağa cavabdeh olan bir neçə oxşar sahə ayırıblar. Onlar ümidvardırlar ki, DNT-nin bu sahələri və onunla bağlı zülallar yaxın vaxtlarda təfərrüatı ilə tədqiq ediləcək. Bunun nəticəsində mikrobların hələ öyrəşmədiyi yeni antibiotiklər yaratmaq mümkün olacaq. Bu, bəşəriyyətin xəstəliktörədənlərlə mübarizə vasitələrini əhəmiyyətli dərəcədə artıracaq.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb