"Bu gün Azərbaycanda koronavirusdan vəfat edənlərin sayı 2%-dən daha azdır. Orta yaş isə təxminən 65 civarındadır. Bu da onu göstərir ki, tibb müəssisələrimiz vaxtında hazırlanıb, müalicə protokolları düzgün tərtib olunub”.

Aztibb.az xəbər verir ki, bunu jurnalistlərə açıqlamasında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı deyib.

TƏBİB sədri qeyd edib ki, xaricdən gələn eksperlərlə sıx şəkildə əməkdaşlıq edilir: "Bu günə qədər əlavə çarpayı fonduna ehtiyac olmasa da, zərurət yaranacağı təqdirdə onlardan istifadə edilə bilər”.

O bildirib ki, əlavə yumşalmaların olması yalnız Nazirlər Kabineti yanında Operativ Qərargahın verəcəyi qərardır: "TƏBİB ancaq xəstələrin müalicəsi ilə məşğul olur”.