Koronavirus pandemiyası ilə bağlı həyata keçirilən karantin tədbirləri insanın ətraf mühitə böyük zərər yetirdiyini aşkara çıxartdı.

Aztibb.az popmech.ru resursuna istinadla xəbər verir ki, Hindistanın Neft və Energetika Tədqiqatları Universitetinin alimləri belə qənaətə gəliblər ki, şəxsi qoruyucu vasitələrdəki plastik kütləni yenilənən yanacağa çevirmək olar.

Yeni tədqiqatda ekspertlər atılmış şəxsi qoruyucu vasitələr problemini həll etməyə kömək edə biləcək strategiya təklif ediblər. Birdəfəlik maskaların sayının kəskin artdığı indiki dövrdə alimlər bildirirlər ki, bu, ətraf mühit üçün böyük təhlükə yaradır.

Yeni tədqiqat göstərir ki, milyardlarla vahid polipropilendən ibarət şəxsi qoruyucu vasitələr bioloji yanacağa çevrilə bilər.

Layihənin aparıcı müəllifi Sapna Cayn bildirib ki, tullantıların bu növünün sintetik yanacağa çevrilməsi ətraf mühit üçün ciddi nəticələrin qarşısını almaqla yanaşı, həm də yeni enerji mənbəyi yaradacaq.