Almaniyanın paytaxtı Berlində minlərlə insan koronavirusla bağlı alınan tədbirlərə qarşı yürüş keçirib.

Aztibb.az "Sozcu.com.tr"yə istinadən xəbər verir ki, aksiya zamanı nümayişçilər maska taxmayıb.

Nümayişçilər "Demokratiyaya qayıtmağı tələb edirik. Bizi qul edən maskaları çıxartmalıyıq" şuarları səsləndiriblər.

Etirazçıların əksəriyyəti koronavirusa qarşı görülən tədbirlərin onların hüquq və azadlıqlarını pozduğuna dair fikirlər səsləndiriblər.

Qeyd edək ki, Almaniyada 200 min nəfər koronavirusa yoluxub, 1000-ə yaxın insan isə ölüb.