Ukraynanın Ternopol vilayətində bir kişi üçüncü dəfə COVID-19-a yoluxub. 

“rbc.ua” saytının məlumatına görə, bunu Ternopol Regional Dövlət Administrasiyasının Səhiyyə şöbəsinin rəisi Vladimir Boqayçuk deyib. Onun sözlərinə görə, bu fakt koronavirus infeksiyasından sağalanların yenidən həmin xəstəliyə yoluxma ehtimalını bir daha təsdiqləyir.

Qeyd edək ki, Ukraynada COVID-19 virusuna yoluxanların ümumi sayı 68,8 min nəfəri ötüb. Ölkədə bu xəstəlikdən indiyədək 1673 nəfər ölüb.