Britaniyalı alimlər koronavirusa yoluxmanın qarşısını almaq üçün ucuz və sərfəli bir vasitə aşkar ediblər. Onlar idmançılar üçün qoxu əleyhinə vasitə və "COVID-19"un virus təbiəti arasında müqayisə aparıblar. Cüzi miqdarda misdən istifadə etməklə virusa qalib gəlməyin mümkün olduğu məlum olub.

Aztibb.az techcult.ru saytına istinadən məlumat verir ki, Britaniyanın "Copper Clothing" startapı xoşagəlməz qoxu əleyhinə daxili qoruma sisteminə malik parça və hazır geyimlər, idman uniforması və s. istehsalı ilə məşğul olur. Daxili qoruma sistemində mikroorqanizmlərin inkişafına mane olan misin antibakterial xüsusiyyətlərindən istifadə edilir. Bu təsir qədim zamanlardan məlumdur: mis ərintilərindən hazırlanmış qab-qacaq, tibbi alətlər və hətta qapı cəftəsi patogen orqanizmlərin ötürülməsində iştirak etmir.

Mis ionları hopdurulmuş geyim mikrobları məhv edir və qoxunu təmizləyir.

Təcrübələr göstərib ki, mis baryeri "COVID-19"u uğurla məhv edir.

"Copper Clothing" startapından bildirilib ki, mis ionları hopdurulmuş yeni parça onun üzərinə düşən bütün mikroorqanizmlərin 99,9%-ni məhv edir.