Təsəvvür edin ki, delfinin gözlərinə baxırsınız və onun düşüncələrini eşidirsiniz. İlon Mask bunun nağıl olmadığına əmindir.

Aztibb.az "Neuralink" şirkətinin mediaya açılamasına istinadən yazır ki, şirkət artıq iflic keçirmiş insanlara düşüncə gücü ilə texnikanı idarə etməyi öyrədir və növbəti addım heyvanlarla bağlıdır.

İlon Mask bu layihənin reallaşması üçün 2028-ci ili hədəf kimi göstərir. İlk baxışdan fantastika kimi səslənsə də və hələlik elə belə də qalsa da, bu sahədə işlər artıq başlayıb.

Süni intellekt hələ indicə balinaların və delfinlərin siqnallarını oxumağı öyrənir və əsl ünsiyyətə qədər qarşıda böyük bir uçurum var. Lakin istiqamət artıq müəyyən edilib və müasir texnologiyalar verilən proqnozlardan daha sürətlə təəccübləndirməyi bacarır.