Şirvan Şəhər Mərkəzi Xəstəxanasının direktoru Canəli Nəbiyev Vətən müharibəsi şəhidi Zeynal Zülfüqarlının ailəsini ziyarət edib.

 

Bu barədə Aztibb.az-a Şirvan ŞMX-dan xəbər verilib.

 

Görüş zamanı şəhidin Vətən uğrunda göstərdiyi qəhrəmanlıq və fədakarlıq ehtiramla yad olunub, ailə üzvlərinə dərin hörmət və ehtiram ifadə edilib.

 

Qeyd edək ki, Zeynal Zülfüqarlı 31 may 1995-ci ildə Şirvan şəhərində anadan olub. Azərbaycan Ordusunun kiçik giziri olan Zeynal Zülfüqarlı 2020-ci il sentyabrın 27-də başlayan Vətən müharibəsində iştirak edib. Cəbrayıl, Füzuli və Xocavənd rayonlarının azadlığı uğrunda gedən döyüşlərdə qəhrəmanlıq və şücaət göstərib. O, 20 oktyabr 2020-ci ildə Xocavənd istiqamətində gedən döyüşlərdə şəhidlik zirvəsinə ucalıb.

 

Vətən müharibəsində və hərbi xidmətində göstərdiyi igidlik və şücaətə görə ölümündən sonra «Vətən uğrunda», «İgidliyə görə», «Azərbaycan Ordusunun 100 illiyi», «Cəbrayılın azad olunmasına görə», «Şuşanın azad olunmasına görə», «Kəlbəcərin azad olunmasına görə», «Füzulinin azad olunmasına görə», «Xocavəndin azad olunmasına görə» və «Qubadlının azad olunmasına görə» medalları, həmçinin III dərəcəli «Rəşadət» ordeni ilə təltif edilib.

 

Şəhid ailələrinə diqqət və qayğının göstərilməsi, onların mütəmadi ziyarət olunması, şəhidlərimizin əziz xatirəsinin yaşadılması hər birimizin mənəvi borcudur.