Biləsuvar Rayon Mərkəzi Xəstəxanası tərəfindən əhalinin sağlamlığının qorunması və tibbi xidmətlərin əlçatanlığının artırılması məqsədilə patronaj xidmətlərinin təşkili istiqamətində tədbirlər davam etdirilir.

Aztibb.az xəbər verir ki, bu çərçivədə rayonun Dərvişli, Ovçubərə, Nəsimikənd, Çaylı, Yuxarı Cürəli, Aşağı Cürəli, Günəşli, Bağbanlar, Zəhmətabad, İsmətli, Bəydili, Əsgərabad, Ağayrı, Səmədabad və Əliabad kəndlərində yerləşən həkim və tibb məntəqələrində, eləcə də Xırmandalı Ailə Sağlamlıq Mərkəzində patronaj xidmətləri həyata keçirilib.

Aparılan tədbirlər zamanı 400-ə yaxın patronaj müayinəsi icra olunub. Müayinələr çərçivəsində əhalinin sağlamlıq vəziyyəti qiymətləndirilib, tibbi xidmətlərə əlçatanlığın təmin olunması istiqamətində müvafiq tədbirlər görülüb.