TƏBİB ahıl və həssas qruplara daxil olan şəxslərin, uşaq, hamilə və zahı qadınların yerində müşahidəsini aparmaq, tibbi xidmətlərə əlçatanlığı təmin etmək, o cümlədən icbari tibbi sığortanın yaratdığı imkanlar çərçivəsində təqdim olunan xidmətlərlə bağlı maarifləndirmə işinin gücləndirilməsinə dəstək məqsədilə kənd yerlərində tibbi müayinə tədbirlərini davam etdirir.

Xaçmaz Rayon Mərkəzi Xəstəxanasının ixtisaslı həkim heyətinin iştirakı ilə rayonun Gödəkli kəndində sakinlərin tibbi müayinəsi həyata keçirilib.

Xəstəxanadan Aztibb.az-a bildirilib ki, tibb müəssisəsinin müxtəlif ixtisaslı həkimləri (həkim-pediatr, həkim-terapevt, həkim-kardioloq, laborant və s.) tərəfindən icbari tibbi sığorta çərçivəsində 50-dən çox kənd sakininə (uşaqlar və böyüklər olmaqla) 80-ə yaxın tibbi xidmət göstərilib.

Müayinələr zamanı ixtisaslı tibbi xidmətlərə ehtiyac yarandığı təqdirdə sakinlərin aidiyyəti üzrə tibb müəssisələrinə yönləndirilməsi təmin edilib.