Müasir cəmiyyətdə qadınların ailə həyatı, karyera və şəxsi seçimlərə münasibəti dəyişir. İqtisadi müstəqilliyin və fərdi inkişafın ön plana çıxması gələcəkdə ailə qurmaqla bağlı tendensiyalara da təsir göstərə bilər.

Aztibb.az xəbər verir ki, “Morgan Stanley” şirkətinin proqnozuna görə, 2030-cu ilə qədər ABŞ-da 25–44 yaş arası qadınların təxminən 45 faizinin subay və övladsız olacağı gözlənilir.

Ekspertlərin fikrincə, müasir qadınlar gənc yaşda ailə qurmaq əvəzinə karyera qurmağa, maliyyə müstəqilliyini təmin etməyə və şəxsi inkişafa daha çox üstünlük verirlər. Bu dəyişikliklər qadınların həyat seçimlərinə, istehlak vərdişlərinə və iqtisadi fəallığına da təsir göstərir.

Qadınların iqtisadiyyatda artan rolunu ifadə edən “Sheconomy” anlayışı da məhz bu tendensiya ilə əlaqələndirilir. Bu termin qadınların iqtisadi qərarlarda, istehlak bazarında və maliyyə müstəqilliyinin güclənməsində artan təsirini xarakterizə edir.