Həkimlik peşəsi yalnız xəstəni müalicə etməklə məhdudlaşmır, bəzən ən böyük uğur xəstəliyin yaranmasına heç imkan verməməkdir. Xəstəliklərin müalicəsi qədər onların qarşısının alınması da böyük həyati əhəmiyyət kəsb edir. İctimai səhiyyə məhz bu ali məqsədə - insanların və bütövlükdə cəmiyyətin sağlamlığının qorunmasına, xəstəliklərin qarşısının alınmasına və sağlam həyat mühitinin formalaşdırılmasına xidmət edir. Bəs ictimai səhiyyə mütəxəssisinin səhiyyə sistemində rolu konkret nədən ibarətdir? Bu ixtisas kimlər üçün uyğundur? Təhsil prosesi necə qurulur? Məzunlar hansı istiqamətlərdə karyera qura bilərlər?

Aztibb.az xəbər verir ki, bu və digər sualların cavabına Azərbaycan Tibb Universitetinin İctimai sağlamlıq və səhiyyənin təşkili kafedrasının dosenti Məhərrəm Məhərrəmov aydınlıq gətirib. 

Dosent video təqdimatında abituriyentləri və tibb sahəsinə maraq göstərən gəncləri İctimai səhiyyə ixtisasının imkanları, perspektivləri və bu sahənin səhiyyə sistemindəki rolu ilə ətraflı tanış edir.