Gündəlik həyatın gərginliyi yalnız əhvalımıza deyil, həzm sistemimizin fəaliyyətinə də mənfi təsir göstərə bilər.

Aztibb.az xəbər verir ki, ümumi cərrah, cərrah-proktoloq və endoskopist Anar Əliyevin sözlərinə görə, uzunmüddətli stress mədə və bağırsaqların normal fəaliyyətini pozaraq müxtəlif narahatlıqlara səbəb ola bilər.

Stress zamanı ən çox rast gəlinən şikayətlər:

 Qarın ağrısı və spazmlar
 Köp və qaz problemləri
 İshal və ya qəbizlik
 Ürəkbulanma hissi
 Mədədə yanma və narahatlıq

Bunun əsas səbəbi beyin və bağırsaqlar arasında mövcud olan sıx əlaqədir. Stress hormonlarının səviyyəsinin artması həzm sisteminin fəaliyyətinə təsir göstərərək bu əlamətlərin yaranmasına şərait yarada bilər.

Əgər mədə-bağırsaq problemləriniz tez-tez təkrarlanırsa, səbəbi yalnız qidalanma vərdişlərində deyil, həyatınızdakı stress amillərində də axtarmaq vacibdir.

Vaxtında müayinə və düzgün müalicə yanaşması həm həzm sisteminin sağlamlığının qorunmasına, həm də həyat keyfiyyətinin yüksəlməsinə kömək edir.