Qida zəhərlənməsi yüngül keçə bilsə də, bəzi hallarda orqanizmdə ciddi maye və elektrolit itkisinə, hətta həyati təhlükə yaradan ağırlaşmalara səbəb ola bilər.

Aztibb.az xəbər verir ki, ümumi cərrah, cərrah-proktoloq və endoskopist Anar Əliyev bildirir ki, ilk əlamətlər yaranan kimi bol maye qəbulu, düzgün qidalanma rejiminə riayət edilməsi və özbaşına antibiotik qəbulundan çəkinmək vacibdir.

Onun sözlərinə görə, yüksək hərarət, davamlı qusma, nəcisdə qan, güclü susuzlaşma əlamətləri və ya şikayətlərin 48 saatdan artıq davam etməsi təcili həkim müayinəsini zəruri edir. Çünki bəzi hallarda qida zəhərlənməsi daha ciddi mədə-bağırsaq xəstəliklərinin əlaməti ola bilər və yalnız vaxtında qoyulan diaqnoz düzgün müalicəyə imkan verir.