Mərkəzi Gömrük Hospitalının həkimləri onlayn beynəlxalq konqresdə çıxış ediblər
19.11.2020 16:25
18 noyabr 2020-ci il tarixində Bakı şəhərində Azərbaycan Respublikası Səhiyyə Nazirliyi, Səhiyyə Nazirliyinin İctimai Səhiyyə və İslahatlar Mərkəzi, Türkiyənin Ankara Universiteti, Amerika Birləşmiş Ştatlarının Vanderbilt Universiteti və "Up-to-date in medicine Tibbi Konsaltinq" şirkətinin birgə təşkilatçılığı ilə “Neonatologiyada Yeniliklər” mövzusunda Beynəlxalq Konqres öz işinə başlayıb.
 
Onlayn formatda keçirilən tədbirdə Mərkəzi Gömrük Hospitalının Pediatriya şöbəsinin rəisi, uzman pediatr-neonatoloq Dr.Telman Aytayev “Yenidoğulmuşlarda radioloji müayinə”, Hospitalın pediatr-neonatoloq-reanimatoloqu Dr.Təranə Göyüşova isə “Yenidoğulmuşlarda tranzitor hallar” mövzusunda çıxış edib və tədbirə qoşulan dinləyicilərin suallarını cavablandırıb.
 
Mərkəzi Gömrük Hospitalının həkimlərinin də məruzəçi kimi çıxış etdikləri tədbirdə Azərbaycan həkimləri ilə yanaşı Türkiyə Cümhuriyyəti, Amerika Birləşmiş Ştatları və digər ölkələrin aparıcı alim və mütəxəsislərinin də kliniki neonatologiyada müasir nəzəri və praktiki yanaşmalar, neonatologiya sahəsində ən son elmi tədqiqatların nəticələri və qarşıda duran aktual problemlərin həlli mövzularında çıxışları dinlənilib.
 
20 noyabr 2020-ci il tarixinədək davam edəcək tədbirin əsas məqsədi neonatologiya sahəsində fəaliyyət göstərən yerli və beynəlxalq mütəxəssislər arasında əməkdaşlıq əlaqələri qurmaq, eləcə də tibb və səhiyyə sahələrində mütəxəssislərin inkişafı üçün bilik və bacarıqların mübadiləsinə zəmin yaradacaq uzunmüddətli platforma yaratmaqdır.
ÇOX OXUNANLAR
Azərbaycan və Türkiyə şirkətləri səhiyyə menecmenti sahəsində əməkdaşlığa başlayır
Elmi-Tədqiqat Tibbi Profilaktika İnstitutu vakansiya elan edir
“Gənc Tibb İşçilərinin Konfransı” layihəsi Qərb bölgəsində davam etdirilib
Ümumdünya Ağciyər Gününə həsr olunmuş ÖDƏNİŞSİZ MÜAYİNƏ AKSİYASI
Abbas Səhhət adına xəstəxananın tibb bacısı vəfat edib
Sabunçu Gənclər Evində “Sülh aylığı” çərçivəsində tədbir keçirilib
Mərkəzi Gömrük Hospitalının uşaq cərrahı AZTV-nin “Telesəhər” proqramına müsahibə verib
Naxçıvanda orta tibb işçiləri üçün keçirilən sertifikasiya imtahanının nəticələri açıqlanıb
Ümumdünya Ürək Gününə həsr olunmuş seminar və “Minimal İnvaziv Mitral Qapaq Təmiri” kursu keçiriləcək
Bakı Sağlamlıq Mərkəzinin həkimləri Norveçdə beynəlxalq tədbirdə iştirak ediblər  
İki yeni mütəxəssis Elmi-Tədqiqat Kardiologiya İnstitutunda fəaliyyətə başlayıb
 Gəncə Şəhər Birləşmiş Xəstəxanasının bir qrup əməkdaşı “Gənc Tibb İşçilərinin Konfransı” layihəsində iştirak edib   
Elmi-Tədqiqat Kardiologiya İnstitutunda doktoranturaya qəbul üzrə imtahan keçirilib
ADHTİ ilə “Azena Creative Agency” arasında tərəfdaşlıq əlaqələri qurulub