Səhiyyə naziri Teymur Musayev Mentorluq proqramı çərçivəsində dördüncü “Yüksəliş” müsabiqəsinin qalibi Ayaz Məmmədov ilə növbəti dəfə görüş keçirib.

Bu barədə Aztibb.az-a Səhiyyə Nazirliyindən bildirilib.

Qeyd olunub ki, görüşdə səhiyyə sistemində innovativ yanaşmaların tətbiqi, idarəetmə bacarıqlarının gücləndirilməsi və peşəkar inkişaf tədbirləri müzakirə olunub.

Görüş zamanı səhiyyə sektorunda son dövrlərdə həyata keçirilən islahatlar, rəqəmsal texnologiyaların tətbiqi, əhalinin sağlamlıq xidmətlərinə çıxış imkanlarının artırılması və tibbi xidmətlərin keyfiyyətinin yüksəldilməsi kimi mövzular müzakirə edilib.

Teymur Musayev səhiyyənin strateji idarəetmə modelləri, effektiv resurs bölgüsü və komandada liderliyin vacibliyi barədə təcrübəsini bölüşərək tövsiyələr verib.

"Yüksəliş" müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixli Sərəncamı ilə təsis edilib.