ÜST-ün məlumatına görə, dünyada 300 milyondan çox insan anksiyete pozğunluğundan əziyyət çəkir. COVID-19 pandemiyasından sonra vəziyyət daha da pisləşib, narahatlıq hallarının sayı 1,5 dəfə artıb. Tədqiqatlar göstərir ki, hər üç nəfərdən biri narahatlıq pozğunluğu əlamətləri yaşayır.

Aztibb.az “MedNovelty” portalına istinadən xəbər verir ki, aimlərin son araşdırmaları görə, belə narahatlığın səbəbi bağırsaqların vəziyyəti ilə bağlı ola bilər. Buna görə də, indi bağırsaq funksiyasının normallaşması ilə sindromun müalicəsinə başlamaq tövsiyə olunur. Bu qənaət Moskvada keçirilən elmi konfransda verilib.

Kliniki diyetoloq Anastasiya Pexovanın sözlərinə görə, son elmi araşdırmalar lif və süd məhsulları daxil olmaqla pəhrizlərin depressiya və narahatlıq pozğunluqlarının müalicəsinə müsbət təsir etdiyini təsdiqləyir. Mədə-bağırsaq traktının xəstəlikləri tez-tez fermentlərin istehsalına və bağırsaq hərəkətliliyinə təsir edən mərkəzi sinir sistemindən gələn siqnallarla əlaqələndirilir.

Psixoloq Tatyana Uryvnikova qeyd edib ki, narahatlıq pozğunluqları tez-tez qıcıqlanmış bağırsaq sindromu kimi funksional mədə-bağırsaq xəstəlikləri olan xəstələrdə müəyyən edilir. Bağırsaq bakteriyaları beyinə və onun funksiyalarına təsir edən neyrotransmitterlər ifraz edir.