Ümumdünya Səhiyyə Təşkilatı (ÜST) COVID-19-un JN.1 variantını sürətli yayılmasına görə ana nəsil BA.2.86-dan ayrı nəzarət edilməli olan variant kimi təsnif edib.
Aztibb.az “TRT Haber”ə istinadən xəbər verir ki, ÜST-ün açıqlamasına görə, JN.1 variantının hazırda qlobal ictimai sağlamlıq üçün yaratdığı risk “aşağı” hesab olunur.
“Buna baxmayaraq, şimal yarımkürəsində qışın başlaması ilə JN.1 bir çox ölkələrdə respirator infeksiyaların yükünü artıra bilər”, - məlumatda deyilir.
Açıqlamada ÜST-ün məlumatları daim nəzarətdə saxladığı və lazım gəldikdə JN.1 risk qiymətləndirməsini yeniləyəcəyi vurğulanıb.
Bəyanatda xatırladılıb ki, hazırkı COVID-19 vaksinləri JN.1 və SARS-CoV-2-nin digər dövriyyədə olan variantlarının səbəb olduğu ciddi xəstəlik və ölümdən qorunmağa davam edir.
Açıqlamada infeksiyalara və ciddi xəstəliklərə qarşı tədbir görülməsinə çağırış edilib və ehtiyat tədbirləri arasında insanların sıx olduğu, qapalı və ya zəif havalandırılan yerlərdə maska taxmaq, mümkün qədər təhlükəsiz məsafə saxlamaq, əlləri mütəmadi olaraq yumaq, yeniliklərdən xəbərdar olmaq daxildir.
Qeyd edək ki, JN.1 əvvəllər BA.2.86 alt törəmə variantlardan biri kimi öyrənililib.