ÜST mütəxəssisləri koronavirusun “Ivermectin”və “VV116” dərmanları ilə müalicəsinə tam qadağa qoymağa çağırır.
Aztibb.az “Actual News” portalına istinadən xəbər verir ki, qərar “Ivermectin”nin müəyyən edilmiş əlavə təsirlərinə və pandemiyanın başlanğıcında hazırlanmış eksperimental “VV116” dərmanının keyfiyyətsizliyinə əsaslanır.
Tədqiqatçılar mövqelərini izah ediblər və son klinik sınaqların nəticələri “Ivermectin”nin arzuolunmaz yan təsirlərini göstərib ki, bu da onun COVID-19 müalicə strategiyalarından tamamilə çıxarılmasını tələb edir.
Uhan Virusologiya İnstitutunun alimləri tərəfindən hazırlanmış “VV116”ya gəlincə, ekspertlər onun sınaqlarında əldə edilən məlumatların keyfiyyətinin aşağı olduğunu qeyd edirlər ki, bu da onun koronavirusa qarşı effektivliyini dəqiq qiymətləndirməyə imkan vermir.
“Ivermectin” virusun təkrarlanmasının qarşısını almaq qabiliyyətinə dair iddialara görə daha çox diqqət çəkib, lakin bu məlumatların heç bir təsdiqi yoxdur. Sonrakı tədqiqatlar isə dərmanın yan təsirlərini müəyyən edib.