TƏBİB-in İcraçı direktoru Vüqar Qurbanovun “Azyaşlı uşaqlar, hamilə və zahı qadınlar üçün ev ziyarəti xidmətinə nəzarətin gücləndirilməsi haqqında” Əmrinin icrasının təmin edilməsi məqsədilə Quba Rayon Mərkəzi Xəstəxanasında tədbir keçirilib.
Quba Rayon Mərkəzi Xəstəxanasından Aztibb.az-a verilən xəbərə görə, tədbirdə tibb müəssisəsinin direktoru Əliyar Sərvərov, TƏBİB-in İlkin səhiyyə xidmətinin təşkili şöbəsinin müdiri Nəhmət Rəhmanov, Davamlı tibbi təhsil, İlkin səhiyyə xidmətləri şöbələrinin məsul əməkdaşları, eləcə də hamilə və zahı qadınlara patronaj xidmətinin təşkilindən məsul müəssisə rəhbərləri iştirak ediblər.
Tədbirdə Nəhmət Rəhmanov səhiyyə sistemində ilkin səhiyyə xidmətinin yeri, gücləndirilməsi, perspektivləri, infeksion və qeyri-infeksion xəstəliklərin qarşısının alınmasında ilkin səhiyyənin rolu barədə məlumat verib.
Daha sonra ilkin səhiyyə xidmətinin təşkili şöbəsinin məsləhətçisi Ləman Məmmədzadə patronaj xidmətininin texniki dəstək hissəsindən, davamlı tibbi təhsil şöbəsinin məsləhətçisi Şəbnəm Qurbanova isə təlimlər barədə çıxış ediblər.