Qərbi Afrika ölkələrindən biri olan Nigeriyada uşaqlıq boynu xərçəngi nisbətlərini böyük ölçüdə azaltmaq üçün 8 milyona yaxın qıza peyvənd ediləcəyi bildirilib.

Aztibb.az “CNN Türk”ə istinadən xəbər verir ki, ölkədə uşaqlıq boynu xərçənginə qarşı mübarizə çərçivəsində hökumət BMT-nin Uşaq Fondu və Ümumdünya Səhiyyə Təşkilatı ilə birgə bəyanat yayıb.

Açıqlamada HPV peyvəndinin gənc qızları uşaqlıq boynu xərçəngindən qorumaq səyləri çərçivəsində rutin immunizasiya sisteminə daxil edildiyi bildirilib.

Qeyd edilib ki, ölkə üzrə başlanan peyvənd kampaniyası çərçivəsində 7,7 milyon qız xərçəngə qarşı peyvənd olunacaq.

Ölkənin səhiyyə rəsmisi bildirib ki, ölkədə hər il təxminən 8 min qadının bu xəstəlikdən dünyasını dəyişir. Odur ki, peyvənd məqsədilə çağırış edilib.