Dünyada son sutka ərzində koronavirusa yoluxanların sayı 213 637 nəfər artaraq 14 562 550-yə yüksəlib.

Aztibb.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

Bundan əlavə, son 24 saat ərzində daha 4 083 nəfər koronavirusun qurbanı olub. Bununla da koronavirusdan ölənlərin sayı 607 781-ə çatıb.

Daha çox yoluxma halı Şimali və Cənubi Amerikada (7 702 075 nəfər) və Avropada (3 103 674 nəfər) qeydə alınıb.

Qeyd edək ki, ÜST martın 11-də koronavirusu pandemiya elan edib.