Türkiyədə koronavirusun yeni variantlarından olan omikronun mutasiyaya uğramış Eris variantı aşkarlanıb.

Aztibb.az-ın medimagazin.com.tr-yə istinadla xəbərinə görə, Türkiyənin səhiyyə naziri Fahrettin Koca sosial media hesabında Eris variantı ilə bağlı açıqlama verib.

Nazir bildirib ki, Eris variantı Referans Laboratoriyamızda 9 nəfərdə aşkarlanıb. Onlar xariclə və eyni vilayətlərdə virus daşıyıcıları ilə təmasda olan şəxslərdir.

"Mövcud tədbirlərimizə davam edəcəyik. Ölkədə Erisin aşkaralanması ilə bağlı narahatlığa əsas yoxdur. Bu vəziyyət başqa ölkələrdə adi haldır. Əsas yaşlılarımızı və xroniki xəstələrimizi qoruyacağıq”, - deyə Fahrettin Koca qeyd edib.