Bedfordshire Universitetinin İctimai Səhiyyə üzrə baş müəllimi, prof. Chris Papadopulos Böyük Britaniyada koronavirusun ikinci ən çox yayılmış variantı hesab edilən Erisin əsas 5 simptomunu paylaşıb.

Aztibb.az-ın medimagazin.com.tr-yə istinadla xəbərinə görə, Böyük Britaniyada hazırda COVID-ə yoluxma hallarında böyük artım müşahidə edilir. Statistikaya görə, 4 sentyabrda Böyük Britaniyada96 293 yeni simptomatik infeksiyaya yoluxma hadisəsi qeydə alınıb. Bu, Eris və Pirola varintlarına yoluxanların sayının artması ilə əlaqədardır.

Böyük Britaniyada Arcturusdan sonra ikinci ən çox yayılmış variant hesab edilən Eris və ya EG.5.1 ilk dəfə avqustun 9-da Ümumdünya Səhiyyə Təşkilatı (ÜST) tərəfindən təsnif edilib.

Hazırda Eris ilə əlaqəli simptomların qəti siyahısı olmasa da, prof. Chris Papadopulos diqqət yetirilməli olan "ümumi" simptomları sadalayıb.

C.Papadopulos bildirib ki, ümumilikdə Eris variantının əlamətləri digər variantlardakılarla oxşardır və ilk növbədə, yuxarı tənəffüs yollarına təsir göstərir.

Buna görə də professor aşağıdakı simptomlara diqqət yetirməyi tövsiyə edib:

Boğaz ağrısı
Burun axması
Asqırmaq
Tıxanma
Öskürək