Yeni araşdırma göstərir ki, koronavirusun narahatlıq doğuran yüksək mutasiyaya uğramış BA.2.86 variantı düşünüldüyü kimi təhlükə yaratmaya bilər.

Aztibb.z medimagazin.com.tr-yə istinadla bildirir ki, iyulun sonunda xalq arasında Pirola kimi tanınan yeni COVID variantı BA.2.86-nın ortaya çıxması elmi ictimaiyyətdə həyəcan təbili çalıb. Lakin son laboratoriya təcrübələri göstərib ki, bu variantın yaratdığı qorxular əsassız ola bilər.

İsveç, Çin və ABŞ-dan olan alimlər variantın xüsusiyyətlərini qiymətləndirmək üçün laboratoriya sınaqları keçiriblər. İlkin nəticələr gözləniləndən daha optimist olub. ABŞ alimləri laboratoriya nəticələrini tezliklə elan etməklə BA.2.86 üzrə tədqiqatların artmasına töhfə verməyə hazırlaşırlar.

Çində aparılan laboratoriya təcrübələrində isə tədqiqatçılar BA.2.86-nın əvvəlki COVID variantları ilə müqayisədə immunitet sisteminə unikal problem yaratdığını aşkar ediblər. Bu, XBB.1.5 variantlarından 60% az yoluxucu olub.