Azərbaycan Tibb Universitetinin (ATU) 2-ci Mamalıq-ginekologiya kafedrasının əməkdaşları Sevinc Əliyeva və Günay Məmmədli tərəfindən hazırlanmış "Zərif günlər” kitabı oxuculara təqdim olunub.

 

Aztibb.az-ın xəbərinə görə, kitab gənc, yeniyetmə, yetkinlik çağına çatmış qızlarda menstrual dövrün idarə olunması üçün nəzərdə tutulub, maarifləndirmə xarakteri daşıyır.

 

Yeni nəşrdə qadın cinsiyyət orqanlarının anatomiyası və fiziologiyası, menstrual vasitələr (bezlər, tamponlar, fincanlar), menstrual dövrdə yuxu, qidalanma, fiziki aktivlik, yeniyetmə qızlarda cinsi tərbiyə, miflər və doğru bilinən yalnışlar, əsasən də menstrual gigiyena və s. kimi mövzular öz əksini tapıb.