Azərbaycan Respublikasında 2023-cü ilin "Heydər Əliyev İli" elan edilməsi ilə əlaqədar olaraq TƏBİB-in tabeliyində fəaliyyət göstərən Şəmkir Rayon Mərkəzi Xəstəxanasının Ailə Sağlamlıq Mərkəzinin həkimləri tərəfindən Şəmkir şəhəri Morul tam orta məktəbdə və Şəmkir şəhər Nizami Gəncəvi adına tam orta məktəbdə uşaqlar arasında tibbi müayinə həyata keçirilib.

Aztibb.az-a bu barədə Şəmkir Rayon Mərkəzi Xəstəxanasından xəbər verilib.

Uşaqların dispanserizasiyası - uşaqların sağlamlığının qorunması, normal fiziki inkişafının təmin edilməsi və xəstəliyin ilkin mərhələdə aşkar edilməsi məqsədilə kompleks profilaktika, diaqnostika və müalicə-sağlamlaşdırıcı tədbirlərdən ibarət olan aktiv dinamik müşahidə sistemidir. Xəstəliklərin və əlillik hallarının uşaq yaşlarında başlamağını nəzərə alaraq, icbari tibbi müayinələrinin aparılması risk qruplarının erkən aşkar edilib müayinə və müalicə tədbirlərinin aparılması müstəsna əhəmiyyətə malikdir.