Ümumdünya Səhiyyə Təşkilatının (ÜST) baş direktoru Tedros Adanom Qebreyesus yoluxma halları yüzdən çox ölkədə təsdiqlən meymunçiçəyi ilə bağlı 10 aylıq qlobal fövqəladə vəziyyətə son qoyulduğunu elan edib.

Aztibb.az-ın rg.ru-a  istinadən xəbərinə görə, bu addım xəstəliyinin yaratdığı böhranın nəzarət altında olduğunu göstərir.

ÜST-nin rəhbəri qeyd edib ki, son üç ayda xəstəliyə yoluxma halları əvvəlki eyni dövrlə müqayisədə demək olar ki, 90% azdır.

Təşkilatın son hesabatına görə, 2022-ci ilin əvvəlindən bu il mayın 8-dək dünyada bu xəstəliyə 87 mindən çox yoluxma faktı təsdiqlənib.

ÜST-ün meymunçiçəyi xəstəliyi üzrə fövqəladə komitəsinin sədr müavini Nikola Lou fövqəladə tədbirlərə güvənməkdənsə, xəstəliyin yaratdığı uzunmüddətli ictimai sağlamlıq risklərini idarə etmək üçün bir strategiyaya keçməyə ehtiyac olduğunu söyləyib.