Mediyada peyvənd olunmuş britaniyalılar arasında COVID-dən ölüm hallarının yüksək olması ilə bağlı məlumatlar yayılıb.

Aztibb.az xəbər verir ki, fövqəladə ölümlə bağlı səs-küylü bəyanat dərc edən “Moskovski Komsomolets” Ümumdünya Səhiyyə Təşkilatının (ÜST) məlumatlarına və “Hökumət statistikasına əsaslanaraq Böyük Britaniyada koronavirus pandemiyasından ölüm nisbətini təhlil edən Avropa KİV-nin araşdırmasına istinad edib.

Materialın müəllifləri iddia edirlər ki, Avropa mediası belə qənaətə gəlib ki, COVID-19-dan ölüm hallarının 90%-i peyvənd olunmuş əhali arasında baş verir, ölənlərin 82%-i isə üç dəfə peyvənd olunub. Eyni mənbəyə görə, 2021-ci il martın 1-dən iyulun 31-dək COVID-19-dan ölənlərin əksəriyyəti bir doza ilə peyvənd edilənlər arasında, 2021-ci il avqustun 1-dən dekabrın 31-dək isə iki doza peyvənd edilənlər arasındadır.

Peyvənd olunanlar arasında ölüm hallarının kəskin artmasından narahat olan araşdırmaçılar da peyvəndin hər dozasından 5 ay sonra peyvənd olunanlar arasında əhalinin 100 min nəfərinə düşən ölüm nisbətinin peyvənd olunmayanlarla müqayisədə xeyli artdığını aşkar ediblər.