Sağlam həyat tərzinin tərəfdarı olan insanların zərərli bildiyi məşhur məhsullar.

Aztibb.az glas.ru-ya istinadən xəbər verir ki, bu məhsullardan biri çoxlarının istehlakdan xaric etdiyi süd məhsullarıdır. Mütəxəssis qeyd edib ki, süddən istifadənin yeganə əks göstərişi laktoza qarşı dözümsüzlükdür.

“Pəhrizinizdən südü çıxarmaq qərarına gəlsəniz, o zaman digər qidalardan kifayət qədər kalsium almalısınız. Məsələn, balıqdan, paxlalı bitkilərdən, badamdan, göyərtidən və ya taxıl məhsullarından”, - deyə mütəxəssis əlavə edib.

İkincisi, bir çox insanlar şəkəri "ağ ölüm" adlandırırlar. Həqiqətən də bu məhsulun həddindən artıq istehlakı şəkərli diabetə, kariyesə, eyni zamanda çəki artımına səbəb olur. Lakin şəkər tez sovrulan və insana enerji verən sadə karbohidratlardandır. Ondan tamamilə imtina edə bilməzsən. ÜST gündəlik 25-50 qram şəkər normasına riayət etməyi tövsiyə edir.

Üçüncüsü, çörək həmişə zərərli deyil. Məsələn, yaxşı tam taxıl çörəyi lif, B vitaminləri və minerallarla zəngindir.