İsveçrə Federal İctimai Səhiyyə İdarəsi (FOPH) bu yazdan etibarən COVID-19 peyvəndinin, hətta yüksək risk altında olanlar üçün də tövsiyə edilmədiyini açıqlayıb.

Bu barədə Aztibb.az medimagazin.com.tr-yə istinadla bildirir.

İsveçrə höküməti bu qərarı xəstəliyə qarşı peyvənd olunmuş və virusa qarşı təbii immuniteti formalaşmış vətəndaşların sayı ilə əlaqələndirib.

FOPH öz saytında qeyd edib: "Prinsipcə, 2023-cü ilin yaz/yay ayları üçün heç bir COVID-19 peyvəndi tövsiyə edilmir. İsveçrədə demək olar ki, hər kəs peyvənd olunub, yaxud COVID-19-a yoluxub və sağalıb. Buna görə də onların immun sistemləri koronavirusa qarşı güclüdür."

Yüksək risk altında olanlar, 65 yaşdan yuxarı olanlar, immuniteti zəif olanlar və hamilə qadınların həkimlərlə fərdi müzakirələrdən sonra peyvənd ola biləcəkləri qeyd edilib.