Bu qış aktivləşən qrip koronavirusla birləşərək çox narahatlıq yaratdı. Amma növbəti mövsümün daha sakit olacağına ümid var.  

Aztibb.az poisknews.ru-ya istinadən xəbər verir ki, belə bir proqnozla virusoloq Pavel Volçkov çıxış edib. 

“2023-2024-cü il mövsümündə 2022-2023-cü illərdə olduğu kimi yüksək göstəricilər gözlənmir. Lakin bu, ümumiyyətlə virus və ya qrup infeksiyalarının olmayacağı anlamına gəlmir", – deyə mütəxəssis bildirib. 

Qeyd edib ki, koronavirus həm də ildə bir dəfə baş verən mövsümi infeksiyaya çevriləcək və gələcəkdə daha da az olacaq. COVID tədricən səngiyəcək. Yaz və payızda xəstəlik iki pik fazada olacaq və tədricən tək pik fazaya düşəcək.