Mərkəzi Gömrük Hospitalının mama-ginekoloqu Gülnar Nuriyeva "Böyrək xəstəliklərinə multidissiplinar yanaşma" mövzusunda keçirilən Elmi Konfransda “Hamiləlikdə sidik yolları infeksiyaları” mövzusunda çıxış edib.
Aztibb.az-a hospitaldan verilən məlumata görə, həkim çıxışında asimptomatik bakteriyauriya, kəskin sistit və piyelonefrit, simptomları və müalicəsində istifadə olunan müasir metodlar barədə ətraflı məlumat verib.
Təqdimat maraqla qarşılanıb. Sonda konfrans iştirakçılarının mövzu ilə bağlı sualları cavablandırılıb.
Qeyd edək ki, hamiləlik zamnı sidik yolları infeksiyaları kimi xəstəlik vaxtında müalicə olunmazsa düşüklərə və vaxtından qabaq doğuşa səbəb ola bilər.
Böyüyən uşaqlıq sidik kisəsini sıxır ki, sidik tam boşalmır, sidik kisəsində qalan sidik cöküntü verir və bu da infeksiyaların artmasına əlverişli şərait yaradır.
Hamilə qadınlar hamiləlik müddətində düzgün və sağlam qidalanmaları, bol su icməli və ən əsası daim həkim nəzarətində olmalıdırlar.
Hamilə qadın sidiyin tam boşalmasına nəzarət etməli və pozulmanın ilk əlamətləri üzə çıxdıqda dərhal həkimə müraciət etməlidir.
