Avropa İttifaqının maliyyə dəstəyi ilə Ümumdünya Səhiyyə Təşkilatının (ÜST) həyata keçirdiyi COVID-19 əleyhinə vaksinasiyaya dəstək layihəsi çərçivəsində ÜST-nin Azərbaycan ofisi tərəfindən ölkədə qızılca və məxmərəyə nəzarət sisteminin gücləndirilməsinə dəstək məqsədilə Səhiyyə Nazirliyinə növbəti laboratoriya avadanlığı təhvil verilib.
Bu barədə Aztibb.az ÜST-nin Azərbaycandakı nümayəndəliyinin rəsmi feysbuk səhifəsinə istinadla xəbər verir.
Real vaxt rejimində çalışan “CFX Opus 96” PCR cihazı Səhiyyə Nazirliyinin Xüsusi Təhlükəli İnfeksiyalara Nəzarət Mərkəzi tərəfindən istifadə ediləcək. Bu avadanlığın təmin edilməsi xüsusilə qızılca və məxmərək xəstəliklərinin dəqiq diaqnostikası üçün laboratoriya imkanlarının gücləndirilməsində mühüm rol oynayır.