İspaniyada payız-qış mövsümündə ikinci dəfə görülən qrip dalğası mütəxəssislər tərəfindən respirator viruslarda qeyri-adi bir vəziyyət kimi qiymətləndirilib.

Aztibb.az medimagazin.com.tr-yə istinadla bildirir ki, ölkədə noyabr-dekabr aylarında baş verən “qrip A” dalğasından sonra fevral ayından “qrip B” dalğası başlayıb.

Karlos III Sağlamlıq İnstitutu B qrip dalğası ilə bağlı hesabatında, normal olaraq yaza doğru azalacağı gözlənilən qrip hadisələrinin hazırda daha çox yayıldığını bildirib.

COVID-19 ilə əlaqədar görülən tədbirlərin təsiri ilə orqanizmin digər viruslara qarşı müqavimətinin azaldığını deyən mütəxəssislər COVID-19-un immunitet sisteminə təsir etdiyini və bunun elmi bir tapıntı olduğunu bildiriblər. Qeyd olunub ki, qrip B dalğası xüsusilə 15 yaşa qədər uşaqlarda müşahidə olunur.

İspan mətbuatında yer alan qeyri-adi qrip hadisələri üçün "Son aylarda hərarətiniz, burnunuzdan axıntı və öskürək yoxdursa, şanslısınız", - yazılıb.

Fransada da İspaniya kimi B qrip dalğasının yüksək səviyyədə olduğu bildirilib.