Dünyada 6 milyondan çox insanın ölümünə səbəb olan koronovirus epidemiyası yeni variantlarla yayılmağa davam edərkən elm adamları narahatlığa səbəb olan yeni araşdırma aparıblar.
Aztibb.az-ın medimagazin.com.tr-yə istinadla xəbərinə görə, COVID-19-a yoluxduqdan sonra simptomların aylarla yox olmadığı "Uzun COVID-19" ilə bağlı tədqiqat aparan alimlər bir çox nevroloji simptomların ortaya çıxdığını bildiriblər. Onlar koronavirusa yoluxmuş insanları müayinə etdikdən sonra tapıntıların aydınlaşdığını açıqlayıblar.
Müayinədə bir çox insanda koronovirusa yoluxduqdan sonra dörd ay ərzində simptomların olduğu, ən çox görülən simptomların isə yorğunluq və baş ağrısı olduğu qeyd edilib. Uzun müddət COVID-19 olanların 69 faizi yorğunluq yaşadıqlarını, 67 faizi isə baş ağrısından əziyyət çəkdiklərini söyləyiblər.
Digər ümumi simptomlar aşağıdakı kimi sadalanıb:
Dad və qoxuda dəyişiklik (yüzdə 54 və 55)
Zehni qavramada yüngül pozğunluq (yüzdə 47)
Yaddaş problemi (30 faiz)
Qarışıqlıq (20 faiz).
Digər tərəfdən uzun müddət koronavirus sindromu olan insanlarda öskürək, əzələ ağrısı, burun axması və soyuqluğun da görüldüyü ifadə edilib.
Tədqiqatçı Elizabeth Ruthkowski uzun müddətdir COVID-19 olan insanların 25 faizinin depressiyadan əziyyət çəkdiyini bildirib.
