Həkim-toksikoloq Mixail Kutuşov yaşıl kifli ərzaqlar yedikdə orqanizmdə hansı dəyişiklərin baş verməsindən danışıb.

Aztibb.az medikforum.ru-ya istinadla xəbər verir ki, kifin bu növünü meyvələr, tərəvəzlər, çörək, mürəbbənin səthində görmək olar.

Həkimin sözlərinə görə, bu kif göbələyi tez yayılır və qonur-yaşıl çalarlı koloniyalar şəklində artır.

İnsanın immuniteti güclü olduqda bu göbələk orqanizmə düşərsə o, mədə şirəsi ilə həzm edilir və orqanizmdən xaric edilir.

"Orqanizm zəif olduqda kifin sporları qana daxil olarsa bronxial astma, qaraciyərin sirrozu, bəd və xoşxassəli törəmələr kimi ağır xəstəliklərə səbəb ola bilər", - mütəxəssis qeyd edib.

Toksikoloq əlavə edib ki, ən zəhərli kif göbələyi sarı kif və qara çürüntüdür. Sarı kif güclü mikotoksin istehsal edir. Onun insan orqanizminə düşməsi son dərəcə təhlükəlidir: o, ağciyərlərin ağrılaşmalarına səbəb olur, hətta ölümə gətirib çıxara bilər.

Həkimin sözlərinə görə, çörəkdə kifin izi olmasa da kif iyi hiss edirsinizsə bu onun artıq kiflənməyə başladığını göstərir.

Kiflənmiş yerfıstığı pastası və yerfıstığının özü ən təhlükəli toksinlərdir. Həmçinin xarab olmuş konservlər botulizmə səbəb olduğundan son dərəcə təhlükəlidir. Kiflə örtülmüş ət məmulatları da çox təhlükəli hesab edilir.