Kolumbiya Universitetinin kardioloqu, biofizika üzrə professor Endryu Marks, tədqiqatçı Steven Reiken və komandası ürəkdə baş verən bəzi dəyişiklikləri tədqiq ediblər.

Aztibb.az medimagazin.com.tr-yə istinadla bildirir ki, tədqiqat qrupu COVID-19 keçirmiş xəstələrdə ürək toxumasında oksidləşdirici stress və iltihab siqnallarında artım müşahidə edib. Həmçinin kalsium ionlarının səviyyəsini tənzimləyən ürəyin zülalında mənfi dəyişikliklər aşkarlanıb.

Mütəxəssislər COVID-19-a yoluxmuş siçan modelindən istifadə edərək ürək hüceyrələrinin və qan laxtalarının ölümü də daxil olmaqla ürək toxumasında dəyişikliklər müşahidə ediblər.

“Həkimlər COVID-19 infeksiyası ilə bağlı ürək dəyişikliklərindən xəbərdar olmalıdırlar. Molekulyar səviyyədə dəyişikliklərin aşkarlanması, COVID-19 ilə bağlı ürək simptomlarını yaxşılaşdıra bilən dərmanların tapılması mütəxəssislərə bu problemləri daha effektiv müalicə etməyə kömək edə bilər”, - tədqiqatçılar bildiriblər.