Yumşaq əl dərisinə sahib olmaq üçün - Mütəxəssisdən effektiv reseptlər
20.07.2020 10:02

Quru əllər lazımi qədər nəm qəbul etməzsə, elastikliyini sürətlə itirə bilər. İnsanın yaşını göstərən ilk bölgənin əllər olduğunu nəzərə alsaq, əl dərisinin xüsusi qulluğa ehtiyacı var. Əllərə qulluq zamanı təbii vasitələrdən istifadə edilməlidir. Sənaye üsullu ilə hazırlanmış nəmləndirici kremlərin tərkibi kimyəvi maddələrlə zəngindir, eləcə də bədən üçün allergendir.

 

Bu fikirləri Aztibb.az-a müsahibəsində xalq təbabəti üzrə mütəxəssis, fitoterapevt Fizuli Hüseynov deyib. O, yumşaq, çatlaqsız əl dərisinə sahib olmaq üçün effektiv reseptlər təqdim edib:

 

  1. Rafinə olunmamış zeytun yağını əllərə çəkmək əl dərisi üçün mükəmməl qidalandırıcıdır.
  2. 1 çay qaşığı rafinə olunmamış zeytun yağı və yarım çay qaşığı limon şirəsini qarışdırıb əllərə çəkə bilərsiniz.
  3. Alma sirkəsi ilə qliserini bir-birinə qarışdırıb əllərə və çatlamış dabana çəkərək masaj edə bilərsiniz. Həmçinin limon şirəsi ilə qliserin qarışımını əllərə çəkmək mümkündür.
  4. 1 çay qaşığı gülxətmi kökü, yarım stəkan qaynar suyu bir-birinə qarışdırıb 1 gün saxlayın və süzün. Alınan jeleni əllərə istifadə edin.
  5. Yarım stəkan süd, yarım çay qaşığı səhləb tozunu birlikdə 5 dəq qaynadın, 1 gün soyuducuda saxlayın, gündə 3 dəfə əllərinizə çəkin.
  6. Təbii inək südündən hazırlanmış 1 xörək qaşığı xama, 1 çay qaşığı limon şirəsi qarışımını gündə 2 dəfə əllərə çəkə bilərsiniz. 
  7. 1 stəkan rafinə olunmamış zeytun yağını 1 dolu xörək qaşığı xına ilə qarışdırın. İçərisinə spiçka qutusu ölçüsündə mum əlavə edib birlikdə 3 dəq qaynadın, oddan götürüb qarışdırıb soyuducuya qoyun. Hər axşam əllərə çəkərək üstünü əlcək və ya başqa vasitələrlə bağlayın, səhər açın.
  8. 1 xörək qaşığı bal və 1 xörək qaşığı alma sirkəsi qarışımı əl ayaq və üz üçün yumşaldıcı effektə malikdir.
  9. 1 xörək qaşığı soda, 1 stəkan alma sirkəsi, 1 litr su, 1 ovuc ölçüsündə buğda kəpəyi və arpa kəpəyini birlikdə 10 dəq qaynadın. Bu qarışımı soyuducuda saxlamaq lazımdır. Gündə 1 dəfə axşamlar əlləri bu suyun içində 15 dəq saxlayın və qurulayın. 
  10. Qoz yağı ilə hindistan cevizi yağını qarışdırıb hər axşam əllərə çəkə bilərsiniz.
ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Lənkəranda bir qrup tibb işçisi peşə bayramları münasibətilə təltif edilib
Tibb işçilərinin dayanıqlı və “yaşıl” səhiyyə naminə həmrəy peşə bayramı
17 iyun - Tibb İşçilərinin Peşə Bayramı Günüdür
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
 Azərbaycan tibb elminə ağır itki üz verib   
“Həkimlərimizi tanıyaq!” rubrikası peşəkar təbiblərimizi tanıtmaqda davam edir!
Suraxani Tibb Mərkəzinin otorinolarinqoloqu Zərifə Məmmədova - Həkimlərimizi tanıyaq!
Gənc həkim Göyçay Rayon Mərkəzi Xəstəxanasında işə başlayıb
Uşaqların sağlamlığının keşiyində duran mehriban və diqqətcil pediatr - Nigar Mirzəyeva
Qan vermək insanlarda ürək-damar sisteminin fəaliyyətini normallaşdırır - MÜSAHİBƏ
Vətən müharibəsi şəhidinin yenidoğulan qardaşı sağalaraq evə buraxılıb
Tibb İşçilərinin Peşə Bayramı Günü münasibətilə bir qrup tibb işçisi təltif edilib
Xətai Tibb Mərkəzinin mama-ginekoloqu Şərifə Musayeva - Həkimlərimizi tanıyaq!
 Tibb Universitetində təhsil alan türkman tələbələr Multikulturalizm Mərkəzində olublar