Rusiyada koronavirusun “omikron” ştamının “kraken” variantına daha bir yoluxma aşkar edilib.

Aztibb.az AZƏRTAC-a istinadla xəbər verir ki, bu barədə Rusiya Federasiyasının İstehlakçı Hüquqlarının Müdafiəsi və İnsan Rifahı Sahəsində Nəzarət üzrə Federal Xidməti (“Rospotrebnadzor”) məlumat yayıb.

Koronavirusun “kraken” variantına ikinci yoluxma Tıva Respublikasında müəyyən edilib. Mütəxəssislər COVID-19 virusunun bu növünün xəstələrdə daha yüngül keçdiyini, ağır kliniki nəticələrə səbəb olmadığını deyirlər. Eyni zamanda, həkimlər “kraken”in sürətlə yayılacağını ehtimal etmirlər.

Rusiyada virusun “kraken” variantına ilk yoluxma yanvar ayında Penzada aşkar olunmuşdu.