Tanınmış teleaparıcı, kardioloq Aleksandr Myasnikov bəzi xəstəliklərin sağalmasında müalicənin rolunun olmadığını bildirib. 

Aztibb.az pravda.ru-ya istinadən xəbər verir ki, həkim insanda yaranan və müəyyən narahatlıq yaradan bəzi xəstəliklərin xüsusi müalicə olmadan öz-özünə keçdiyini deyib: 

“Xüsusilə, bunlar viral infeksiyalardır. Praktiki olaraq, bütün virus xəstəlikləri istər müalicə olunsun, istər olunmasın bir həftə çəkir.” 

Mütəxəssis xatırladıb ki, viral infeksiyalar üçün heç bir dərman yoxdur, mövcud dərmanlar yalnız xəstəliyin simptomlarını yüngülləşdirir, xəstəliyi çox da ağır keçirməməyə yardım edir. Bu cür dərmanlar xəstəliyin özünü müalicə etmir və virusu məhv etmək iqtidarında deyil. 

A.Myasnikov müalicə olmadan öz-özünə keçə bilən xəstəlikləri sadalayıb:  

qrip,

COVID,

kəskin respirator infeksiyalar,

viral sinüzit,

tonzillit,

bronxit.  

O əlavə edib ki, xəstələri onların xəstəliyinin xüsusi müalicə tələb etmədiyinə inandırmaq təcrübəsi yoxdur. Əks halda da xəstələr çox güman ki, onları müalicə edən mütəxəssisə etibar etməyəcəklər.